ಹೆತ್ತ ಮಗುವನ್ನೇ ಕೊಂದು ವಿಕೃತಿ ಮೆರೆದ ತಾಯಿ

ನೆಲಮಂಗಲ: ಬಡತನ, ಪತಿಯ ಕುಡಿತದ ಚಟದಿಂದ ಕುಟುಂಬ ನಿರ್ವಹಣೆ, ಮಗುವಿನ ಆರೈಕೆ ಕಷ್ಟವಾಗಿ ಹೆತ್ತ ತಾಯಿಯೇ ಒಂದೂವರೆ ತಿಂಗಳ ಮಗುವನ್ನು ನೀರು ಕಾಯಿಸುವ ಹಂಡೆಯಲ್ಲಿ ಮುಳುಗಿಸಿ ಹತ್ಯೆ ಮಾಡಿದ ಹೃದಯವಿದ್ರಾವಕ ಘಟನೆ ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ನೆಲಮಂಗಲದಲ್ಲಿ ನಡೆದಿದೆ. ವಿಶ್ವೇಶ್ವರಪುರದ ರೇಣುಕಾನಗರ ನಿವಾಸಿ ರಾಧಾಳನ್ನು ಬಂಧಿಸಲಾಗಿದೆ. ಒಂದೇ ಬಡಾವಣೆಯ ಪವನ್ ಕುಮಾರ್‌ ಹಾಗೂ ರಾಧಾ ಸ್ನೇಹ ಬೆಳೆದಿದ್ದು, ಬಳಿಕ, ವಿವಾಹವಾಗಿದ್ದರು. ಭಾನುವಾರ ಸಂಜೆ ಪತಿ ಪವನ್, ಕೆಲಸ ಮುಗಿಸಿ, ಮದ್ಯ ಸೇ ಮಾಡಿ ಮನೆಗೆ ಬಂದಿದ್ದ. ಮನೆ ಮುಂಭಾಗದ ಸ್ನೇಹಿತರ ಆಟೋದಲ್ಲಿ ಮಲಗಿದ್ದ. ಇದರಿಂದ ಬೇಸತ್ತ ಆಕೆ, ಸೋಮವಾರ ಬೆಳಗ್ಗೆ 4:30ರ ವೇಳೆ ಮಗುವನ್ನು ನೀರು ಕಾಯಿಸುವ ಹಂಡೆಯಲ್ಲಿ ಮುಳುಗಿಸಿದ್ದಾಳೆ. ಬಳಿಕ ಮಗುವಿಲ್ಲ. ಯಾರೋ ಇಬ್ಬರು ಬಂದು, ಮಗುವನ್ನು ಅಪಹರಿಸಿಕೊಂಡು ಹೋಗಿದ್ದಾರೆ ಎಂದು ನಾಟಕವಾಡಿದ್ದಾಳೆ. ಬಳಿಕ, ಪೊಲೀಸರು ಬಂದು, ಹುಡುಕಾಟ ನಡೆಸಿದಾಗ ಮಗುವಿನ ಪತ್ತೆಯಾಗಿದೆ.