ಯೂರಿಯ ಗೊಬ್ಬರಕ್ಕೆ ನಿಲ್ಲದ ರೈತರ ಪರದಾಟ; ಕೃಷಿ ಅಧಿಕಾರಿಗಳಿಗೆ ರೈತರ ತರಾಟೆ

ಯೂರಿಯ ರಸಗೊಬ್ಬರಕ್ಕಾಗಿ ನಗರದ ಡಿಸಿ ವೃತ್ತದ ಬಳಿ ಜಿಲ್ಲೆಯ ರೈತರ ಪ್ರತಿಭಟನೆ ನಡೆಸಿದರು. ಬೆಳೆಗೆ ಸರಿಯಾದ ರೀತಿಯಲ್ಲಿ ಗೊಬ್ಬರ ಸಿಗುತ್ತಿಲ್ಲ. ಬೆಳೆಗಳು ನಾಶ ಆಗುತ್ತಿವೆ. ಕೃಷಿ ಇಲಾಖೆಯಲ್ಲಿ ಕೇಳಿದ್ರೆ ಏನು ಉತ್ತರ ಸಿಗ್ತಿಲ್ಲ. ಈಗ ನಮಗೆ ಸಮರ್ಪಕವಾಗಿ ಯೂರಿಯ ಗೊಬ್ಬರ ಕೊಡಿ ಇಲ್ಲ ವಿಷ ಕೊಡಿ ಎಂದು ರೈತರು ಆಕ್ರೋಶ ಹೊರಹಾಕಿದರು. ಇದೆ ವೇಳೆ ಡಿಸಿ ಕಚೇರಿಗೆ ಮುತ್ತಿಗೆ ಯತ್ನ ನಡೆಸಿದ ರೈತರನ್ನು ಪೊಲೀಸರು ತಡೆದಿದ್ದಕ್ಕೆ ಪೊಲೀಸರ ಜೊತೆಗೆ ವಾಗ್ವಾದಕ್ಕೆ ಇಳಿದರು. ಕೂಡಲೇ ಡಿಸಿ ಸ್ಥಳಕ್ಕೆ ಬರುವಂತೆ ಪಟ್ಟು ಹಿಡಿದ ಅನ್ನದಾತರು, ಡಿಸಿ ಬದಲಿಗೆ ಸ್ಥಳಕ್ಕೆ ಬಂದ ಕೃಷಿ ಅಧಿಕಾರಿಗೆ ತರಾಟೆ ತೆಗೆದುಕೊಂಡರು.