ಮುರುಘಾ ಮಠದಲ್ಲಿ ಐದನೇ ದಿನದ ಸಹಜ ಶಿವಯೋಗ ಪ್ರಾತ್ಯಕ್ಷಿಕೆ ಕಾರ್ಯಕ್ರಮ

ಮುರುಘಾ ಬೃಹನ್ಮಠದ ರಾಜಾಂಗಣದಲ್ಲಿ ಏರ್ಪಡಿಸಿದ್ದ ಐದನೇ ದಿನದ ಸಹಜ ಶಿವಯೋಗ ಪ್ರಾತ್ಯಕ್ಷಿಕೆಯನ್ನು ಏರ್ಪಡಿಸಿದ್ದರು. ಕಾರ್ಯಕ್ರಮದಲ್ಲಿ ಕೊಲ್ಲಾಪುರ ಸಾಯಿಗಾವ್, ಬಸವ ಶಿವಾನಂದ ಸ್ವಾಮಿಗಳು ಮಾತನಾಡಿ, ಲಿಂಗಾಯತ ಧರ್ಮದಲ್ಲಿ ಭಿನ್ನವಾದ ನೀತಿ ನಿಯಮಗಳಿವೆ. ಕ್ರೈಸ್ತ ಧರ್ಮದವರು
ಪ್ರಾರ್ಥನೆ. ಮುಸ್ಲಿಂ ಧರ್ಮದವರು ನಮಾಜ್ ಮಾಡುವಂತೆ, ಲಿಂಗಾಯತ ಧರ್ಮದಲ್ಲಿ ವಿಶೇಷವಾದ ಪ್ರಾಧಾನ್ಯತೆಯನ್ನು ಶಿವಯೋಗಕ್ಕೆ
ನೀಡಲಾಗಿದೆ. ವಿಶ್ವದಲ್ಲಿ ಅತ್ಯಂತ ಶಾಂತಿ, ಸಮಾಧಾನವನ್ನು ಕೊಡುವುದು ಇಷ್ಟಲಿಂಗ ಪೂಜೆ. ನಾಡಿನಲ್ಲಿ ಹಲವಾರು ಮಠಗಳು ಇವೆ. ರಥೋತ್ಸವದ
ಮಠಗಳು, ಪಲ್ಲಕ್ಕಿ ಉತ್ಸವ ಮಠಗಳು. ಆದರೆ ಶಿವಯೋಗಕ್ಕೆ ಅತಿಹೆಚ್ಚು ಪ್ರಾತಿನಿದ್ಯತೆ ಯನ್ನು ನೀಡಿದ್ದು ಶ್ರೀ ಮುರುಘಾಮಠ. ಮನಸ್ಸನ್ನು ಗುರುವಿಗೆ ಕೊಡಬೇಕು, ಅರಿವನ್ನು ತೋರಿಸುವವನು ಗುರುವೇ ಆಗಿರುತ್ತಾನೆ ಎಂದು ನುಡಿದರು.ಕಾರ್ಯಕ್ರಮದಲ್ಲಿ ಶಿಗ್ಗಾವಿ ಶ್ರೀವಿರಕ್ತ ಮಠದ ಶ್ರೀ ಸಂಗನಬಸವ ಸ್ವಾಮಿಗಳು, ಇರಕಲ್ ಶಿವಶಕ್ತಿ ಪೀಠದ ಶ್ರೀ ಬಸವ ಪ್ರಸಾದ ಸ್ವಾಮಿಗಳು, ಕವಲೆತ್ತು ಬಸವ ಕೇಂದ್ರ ಶರಣೆ ಮುಕ್ತಾಯಕ್ಕ, ದೇವರ ಹಿಪ್ಪರಗಿಯ ಗದ್ದಿಗೆ ಮಠದ ಶ್ರೀ ಮಹಾಂತಸ್ವಾಮಿಗಳು, ಹೊಸಕರೆ ಶರಣೆ ನೀಲಾಲೋಚನ ತಾಯಿ, ಕಾರವಾರ ಬಸವ ಗ್ರಾಮದ ಶರಣ ಬಸವೇಶ್ವರ ಮಹಾತಾಯಿ ಉಪಸ್ಥಿತರಿದ್ದರು. ಕಾರ್ಯಕ್ರಮದಲ್ಲಿ ಎಸ್.ಜೆ.ಎಂ ವಿದ್ಯಾಪೀಠ ಬೃಹನ್ಮಠದ ಆಡಳಿತ ಮಂಡಳಿ ಸದಸ್ಯರಾದ ಡಾ.ಬಸವಕುಮಾರ್ ಸ್ವಾಮೀಜಿ ಶರಣು ಸಮರ್ಪಣೆ ಸಲ್ಲಿಸದರು. ಜಮರಾ ಕಲಾವಿದರು ಪ್ರಾರ್ಥಸಿ, ಜ್ಞಾನಮೂರ್ತಿ ನಿರೂಪಿಸಿ
ವಂದಿಸಿದರು.