ಡಿಸೆಂಬರ್ ತಿಂಗಳಲ್ಲಿ ಸಿಎಂ ಬದಲಾಗ್ತಾರೆ – ಭವಿಷ್ಯ ನುಡಿದ ಮಾಜಿ ಶಾಸಕ..!

ಚಿತ್ರದುರ್ಗ: ವರ್ಷಾಂತ್ಯಕ್ಕೆ ಸಿಎಂ ಸ್ಥಾನದಿಂದ ಸಿದ್ಧರಾಮಯ್ಯ ಉದರೋಗ್ತಾರೆ, ಆಮೇಲೆ ಕಾಂಗ್ರೆಸ್ ಅಧಿಕಾರದಲ್ಲಿ ಇರತ್ತೋ ಇಲ್ವೋ ದೇವರಿಗೇ ಗೊತ್ತು ಅಂತಾ ಮೊಳಕಾಲ್ಮೂರು ಮಾಜಿ ಶಾಸಕ ಎಸ್. ತಿಪ್ಪೇಸ್ವಾಮಿ ಭವಿಷ್ಯ ನುಡಿದಿದ್ದಾರೆ. ಮೊಳಕಾಲ್ಮೂರು ಪಟ್ಟಣದಲ್ಲಿ ಸರ್ಕಾರದ ವಿರುದ್ಧ ಬಿಜೆಪಿ ವತಿಯಿಂದ ಪ್ರತಿಭಟನೆ ನಡೆಸಿ ಮಾತನಾಡಿ, ಕಾಂಗ್ರೆಸ್ ಸರ್ಕಾರದಲ್ಲಿ ವಯಸ್ಸಾದ ಶಾಸಕರು ಈಗ ಸರ್ಕಾರದ ವಿರುದ್ಧ ಮಾತನಾಡುತ್ತಿದ್ದಾರೆ. ಬಿ.ಆರ್ ಪಾಟೀಲ್, ರಾಜುಕಾಗೆ ಹಾಗೂ ಇವರ ಸರತಿ ಕೂಡ ಆಯ್ತು. ಇನ್ನು ಭಾಗ್ಯಗಳನ್ನು ಕೊಟ್ಟ ಕಾಂಗ್ರೆಸ್ ಸರ್ಕಾರಕ್ಕೆ ಅಭಿವೃದ್ಧಿಗೆ ಅನುದಾನ ಪಾಪ ಎಲ್ಲಿಂದ ಬರಬೇಕು ಎಂದು
ಪರೋಕ್ಷವಾಗಿ ಶಾಸಕ ಎನ್ ವೈ ಗೋಪಾಲಕೃಷ್ಣ ಹೇಳಿಕೆಗೆ ಟಾಂಗ್ ಕೊಟ್ಟರು. ಸಿದ್ಧರಾಮಯ್ಯ ಇನ್ನು 4 ತಿಂಗಳು ಮಾತ್ರ ಸಿಎಂ ಆಗಿರ್ತಾರೆ. ನವೆಂಬರ್, ಡಿಸೆಂಬರ್ ಅಷ್ಟೊತ್ತಿಗೆ ಸಿಎಂ ಸ್ಥಾನದಿಂದ ಉದುರಿ ಹೋಗ್ತಾರೆ, ಇಲ್ಲ ಕಿತ್ತು ಹೊಗೆಯುತ್ತಾರೆ ನಂತ್ರ ಸರ್ಕಾರ ಇರತ್ತೋ ಇಲ್ವೋ ಅಂತ ದೇವರಿಗೆ ಗೊತ್ತು ಎಂದು ವ್ಯಂಗ್ಯವಾಡಿದರು.