ಕೆಮ್ಮು ಕಫ ನಿವಾರಣೆಗೆ ಮನೆಯಲ್ಲಿ ಮದ್ದು ತಯಾರಿಸಿ

ಕೆಮ್ಮು ಶೀತದ ಸಮಸ್ಯೆಗೆ ಕೆಮ್ಮಿನ ಸಿರಪ್ ಅಥವಾ ಮಾತ್ರೆಗಳನ್ನು ತೆಗೆದುಕೊಳ್ಳುವ ಬದಲು, ಕೆಲವೊಂದು ಮನೆಮದ್ದುಗಳನ್ನು ಅನುಸರಿಸುವುದರಿಂದ, ಯಾವುದೇ ಅಡ್ದ ಪರಿಣಾಮಗಳು ಇಲ್ಲದೆ ಈ ಸಮಸ್ಯೆಯನ್ನು ಪರಿಹರಿಸಿಕೊಳ್ಳಬಹುದು.

ಸಣ್ಣ-ಪುಟ್ಟ ಆರೋಗ್ಯ ಸಮಸ್ಯೆಗಳಿಗೆ, ಸಾಧ್ಯವಾದಷ್ಟು ನೈಸರ್ಗಿಕವಾದರೀತಿಯಲ್ಲಿ ಬಗೆಹರಿಸಿ ಕೊಳ್ಳಲು ಪ್ರಯತ್ನ ಪಡಬೇಕು. ಇದಕ್ಕೆ ಬಹು ಮುಖ್ಯ ಕಾರಣಗಳು ಎಂದ್ರೆ ಇದರಿಂದ ಆರೋಗ್ಯ ಕ್ಕೆ ಯಾವುದೇ ರೀತಿಯ ಅಡ್ಡಪರಿಣಾಮಗಳು ಇರುವುದಿಲ್ಲ, ಜೊತೆಗೆ ಖರ್ಚು ಕೂಡ ಕಡಿಮೆ. ಹೀಗಾಗಿ ಬಹಳ ಹಿಂದಿನಿಂದಲೂ ಪ್ರಸಿದ್ಧವಾಗಿರುವ ಆಯುರ್ವೇದ ಪದ್ಧತಿ ಈಗಲೂ ಕೂಡ ನಮ್ಮೆಲ್ಲರ ಮಧ್ಯೆ ಜೀವಂತವಾಗಿದೆ.ಅಡುಗೆ ಮನೆಯಲ್ಲಿ ಸಿಗುವಂತಹ ಕೆಲವೊಂದು ನೈಸರ್ಗಿಕ ಆಹಾರ ಪದಾರ್ಥಗಳನ್ನು ಬಳಸಿಕೊಂಡು ಹೇಗೆ ಮನೆ ಮದ್ದುಗಳ ರೂಪದಲ್ಲಿ ಪರಿಹಾರಿಸಿಕೊಳ್ಳಬಹುದು ಎನ್ನುವುದನ್ನು ಈ ಲೇಖನದಲ್ಲಿ ನೀಡಿದ್ದೇವೆ ಮುಂದೆ ಓದಿ…

ಕೆಮ್ಮಿನ ಹಾಗೂ ಕಫದ ಸಮಸ್ಯೆಗೆ ಶುಂಠಿ ಹಾಗೂ ಉಪ್ಪು!

ಒಂದು ಸಣ್ಣ ತುಂಡು, ಹಸಿಶುಂಠಿಯನ್ನು ತೆಗೆದುಕೊಂಡು ಅದರ ಮೇಲ್ಭಾಗದ ಸಿಪ್ಪೆ ತೆಗೆದು, ಚೆನ್ನಾಗಿ ತೊಳೆದುಕೊಳ್ಳಆ ಬಳಿಕ ಶುಂಠಿಯನ್ನು ಒಂದು ಚಮಚ ಆಗುಷ್ಟು ತುರಿದು, ಇದಕ್ಕೆ ಚಿಟಿಕೆಯಷ್ಟು ಉಪ್ಪು ಬೆರೆಸಿ ಬಾಯಿಯಲ್ಲಿ ಹಾಕಿಕೊಂಡು ಜಗಿದು ಅದರ ರಸವನ್ನು ನುಂಗುತ್ತಾ ಬನ್ನಿ. ಶುಂಠಿಯ ಗಾಢವಾದ ರುಚಿ ಹಾಗೂ ಒಗರು, ಸ್ವಲ್ಪ ಕಷ್ಟವಾಗುವಂತೆ ಮಾಡಬಹುದು.

ಬೇಕೆಂದರೆ ಈ ಸಮಯದಲ್ಲಿ ಒಂದು ಚಮಚ ಜೇನುತುಪ್ಪವನ್ನು ಸೇವನೆ ಮಾಡಬಹುದು. ಇದರಿಂದ ಕೆಮ್ಮು ಹಾಗೂ ಕಫದ ಸಮಸ್ಯೆಗೆ ಕಾರಣವಾಗುವ ಬ್ಯಾಕ್ಟೀರಿಯಾಗಳು ನಿವಾರಣೆಯಾಗಿ, ಸಮಸ್ಯೆಗಳು ಆದಷ್ಟು ಬೇಗ ಪರಿಹಾರ ಕಾಣುತ್ತವೆ.ಶುಂಠಿಯ ಗಾಢವಾದ ರುಚಿ ಹಾಗೂ ಒಗರು, ಸ್ವಲ್ಪ ಕಷ್ಟವಾಗುವಂತೆ ಮಾಡಬಹುದು. ಬೇಕೆಂದರೆ ಈ ಸಮಯದಲ್ಲಿ ಒಂದು ಚಮಚ ಜೇನುತುಪ್ಪವನ್ನು ಸೇವನೆ ಮಾಡಬಹುದು.ಇದರಿಂದ ಕೆಮ್ಮು ಹಾಗೂ ಕಫದ ಸಮಸ್ಯೆಗೆ ಕಾರಣವಾಗುವ ಬ್ಯಾಕ್ಟೀರಿಯಾಗಳು ನಿವಾರಣೆಯಾಗಿ, ಸಮಸ್ಯೆಗಳು ಆದಷ್ಟು ಬೇಗ ಪರಿಹಾರ ಕಾಣುತ್ತವೆ.

ಇಂಗು ಉಂಡೆ!

ಅರ್ಧ ಟೀ ಚಮಚ ಆಗುವಷ್ಟು ಇಂಗಿನ ಪುಡಿಯನ್ನು ತೆಗೆದುಕೊಳ್ಳಿಇನ್ನು ಇದಕ್ಕೆ ಇಷ್ಟೇ ಪ್ರಮಾಣದಲ್ಲಿ ಒಣ ಶುಂಠಿ ಪುಡಿಯನ್ನು ಮಿಶ್ರಣಮಾಡಿಆ ಬಳಿಕ, ಈ ಮಿಶ್ರಣಕ್ಕೆ ಎರಡು ಟೇಬಲ್ ಚಮಚ ಆಗುವಷ್ಟು ಜೇನುತುಪ್ಪವನ್ನು ಬೆರೆಸಿ, ದಪ್ಪಗೆ ಪೇಸ್ಟ್ ರೀತಿ ಮಾಡಿಕೊಂಡು, ಗಟ್ಟಿಯಾದ ಉಂಡೆ ರೀತಿ ಮಾಡಿ, ಪಕ್ಕದಲ್ಲಿ ಇರಿಸಿಕೊಳ್ಳಿ.ಒಂದು ವೇಳೆ, ಕೆಮ್ಮು ಹಾಗೂ ಕಫದ ಸಮಸ್ಯೆ ಜಾಸ್ತಿ ಆದರೆ, ಇದನ್ನು ಬಾಯಿಯಲ್ಲಿ ಹಾಕಿಕೊಂಡು, ನಿಧಾನಕ್ಕೆ ಇದರ ರಸವನ್ನು ಹೀರುತ್ತಾ ಬನ್ನಿ..ಪ್ರತಿದಿನ ಒಂದೆರಡು ಬಾರಿ ಹೀಗೆ ಮಾಡುವುದರಿಂದ, ಎದೆಯ ಭಾಗ ಹಾಗೂ ಗಂಟಲಿನ ಭಾಗದಲ್ಲಿ ಕಟ್ಟಿಕೊಂಡಿರುವ ಕಫ ಸಮಸ್ಯೆ ನಿವಾರಣೆಯಾಗಿ, ಕೆಮ್ಮು ಕೂಡ ನಿಯಂತ್ರಣಕ್ಕೆ ಬರುತ್ತದೆ.ಮನೆಯಲ್ಲಿ ಇಂಗು ಇದ್ದರೆ-ಬಿಪಿ, ತಲೆನೋವು, ಮುಟ್ಟಿನ ಸಮಸ್ಯೆ ಎಲ್ಲಾ ಮಂಗಮಾಯ!

ಕಾಳುಮೆಣಸಿನ ಚಹಾ

ದಿನದಲ್ಲಿ ಒಂದು ಬಾರಿಯಾದರೂ ಕೂಡ, ಹೆಚ್ಚಿನವರಿಗೆ ಚಹಾ ಕುಡಿಯುವ ಅಭ್ಯಾಸ ಇದ್ದೇ ಇರುತ್ತದೆ. ಹೀಗಾಗಿ ಪ್ರತಿದಿನದ ಕುಡಿಯುವ ಚಹಾಕ್ಕೆ, ಅರ್ಧ ಟೀ ಚಮಚ ಆಗುವಷ್ಟು ಕಾಳು ಮೆಣಸಿನ ಪುಡಿಯನ್ನು ಹಾಕಿಕೊಂಡು ಕುಡಿಯುವ ಅಭ್ಯಾಸ ಮಾಡಿಕೊಂಡರೆ, ಕೆಮ್ಮು ಹಾಗೂ ಕಫ ಸಮಸ್ಯೆ ಕ್ರಮೇಣವಾಗಿ ದೂರವಾಗುತ್ತದೆಇದಕ್ಕಾಗಿ ಮನೆಯಲ್ಲಿ ಚಹಾ ತಯಾರು ಮಾಡುವ ಸಂದರ್ಭದಲ್ಲಿ ಚಹಾ ಪುಡಿ ಜೊತೆಗೆ ಅರ್ಧ ಟೀ ಚಮಚ ಆಗುವಷ್ಟು ಕಾಳುಮೆಣಸಿನ ಪುಡಿಯನ್ನು ಜೊತೆಗೆ ಸೇರಿಸಿ ಐದು ನಿಮಿಷ ಚೆನ್ನಾಗಿ ಕುದಿಸಿ. ಆ ನಂತರ ಗ್ಯಾಸ್ ಒಲೆ ಆಫ್ ಮಾಡಿ, ಸ್ವಲ್ಪ ಹೊತ್ತು ತಣಿಯಲು ಬಿಡಿ.ನಂತರ ಉಗುರು ಬೆಚ್ಚಗಿನ ತಾಪಮಾನ ಇರುವಾಗ ಸ್ವಲ್ಪ ಜೇನುತುಪ್ಪ ಬೆರೆಸಿ ಸೇವನೆ ಮಾಡಿ. ಉತ್ತಮ ಫಲಿತಾಂಶಕ್ಕೆ ಪ್ರತಿದಿನ ಒಂದು ಬಾರಿಯಾದರೂ ಈ ವಿಧಾನ ಅನುಸರಿಸಿದರೆ, ಸಮಸ್ಯೆ ಬೇಗನೇ ಪರಿಹಾರವಾಗುತ್ತದೆ.

ಜೇನುತುಪ್ಪ ಮತ್ತು ಕಾಳುಮೆಣಸಿನ ಪುಡಿ

ಒಂದು ಅಗಲವಾದ ಕಾವಲಿಗೆ, ನಾಲ್ಕರಿಂದ ಐದು ಕಾಳುಮೆಣಸು ಹಾಕಿಕೊಂಡು, ಅದನ್ನು ಸಣ್ಣ ಉರಿಯಲ್ಲಿ ಹುರಿದು ತಣ್ಣಗೆ ಮಾಡಿಕೊಂಡು ನಂತರ ಪುಡಿಮಾಡಿಕೊಳ್ಳಿ.ಇನ್ನು ಒಂದು ಟೇಬಲ್ ಚಮಚ ಆಗುವಷ್ಟು ಜೇನುತುಪ್ಪಕ್ಕೆ, ಈಗಾಗಲೇ ಹುರಿದು ತಣ್ಣಗೆ ಮಾಡಿ ಕೊಂಡಿರುವ ಕಾಳುಮೆಣಸಿನ ಪುಡಿಯನ್ನು ಬೆರೆಸಿ ಸೇವನೆ ಮಾಡುವ ಅಭ್ಯಾಸ ಇಟ್ಟು ಕೊಳ್ಳಿ.ಪ್ರತಿ ದಿನ ಬೆಳಗ್ಗೆ ಈ ಮನೆಮದ್ದನ್ನು ಸೇವನೆ ಮಾಡುವ ಅಭ್ಯಾಸ ಇಟ್ಟುಕೊಂಡರೆ, ಕೆಮ್ಮು, ಕಫ, ಶೀತ ಹಾಗೂ ಗಂಟಲು ನೋವಿನ ಸಮಸ್ಯೆಯಿಂದ ಸುಲಭವಾಗಿ ಪಾರಾಗಬಹುದು.

ಶುಂಠಿ ಡಿಕಾಕ್ಷನ್

ಒಂದು ಸಣ್ಣ ತುಂಡು ಹಸಿ ಶುಂಠಿಯ ಮೇಲ್ಭಾಗದ ಸಿಪ್ಪೆ ತೆಗೆದು, ನೀರಿನಲ್ಲಿ ಚೆನ್ನಾಗಿ ತೊಳೆದು ಸಣ್ಣದಾಗಿ ಹೆಚ್ಚಿಟ್ಟುಕೊಳ್ಳಿ. ಆ ಬಳಿಕ ಒಂದು ಲೋಟ ಕುದಿಯುವ ನೀರಿಗೆ ಶುಂಠಿ ಚೂರುಗಳನ್ನು ಹಾಕಿ, ಬಳಿಕ ಅರ್ಧ ಟೀ ಚಮಚ ಆಗುವಷ್ಟು ಉಪ್ಪು ಹಾಕಿ, ಕುದಿಯಲು ಬಿಡಿಇನ್ನು ಒಂದು ಲೋಟ ನೀರು ಅರ್ಧಕ್ಕೆ ಬರುವವರೆಗೆ ಈ ಮಿಶ್ರಣವನ್ನು ಚೆನ್ನಾಗಿ ಕುದಿಸಿಆ ಬಳಿಕ ಗ್ಯಾಸ್ ಸ್ಟವ್ ಆಫ್ ಮಾಡಿ, ಈ ಮಿಶ್ರಣ ಸ್ವಲ್ಪ ತಣ್ಣಗೆ ಆಗಲು ಬಿಡಿ. ನಂತರ ಇದನ್ನು ಸೋಸಿಕೊಂಡು, ಈ ಪಾನೀಯವನ್ನು ಕುಡಿಯಿರಿ. ಇದು ಕೆಮ್ಮು ಶೀತ ಕಫಕ್ಕೆ ಅತ್ಯುತ್ತಮ ಮನೆ ಔಷಧಿಯಾಗಿ ಕೆಲಸ ಮಾಡುತ್ತದೆ.