ದೇಹದ ಕೊಬ್ಬು ಕರಗಿಸಲು ಈ ಯೋಗಾಸಗಳು ಮಾಡಿ

ಯೋಗದ ಸಹಾಯದಿಂದ ದೇಹದಲ್ಲಿನ ಹೆಚ್ಚುವರಿ ಕೊಬ್ಬಿನಾಂಶವನ್ನು ಕಡಿಮೆ ಮಾಡಬಹುದು. ಬೊಜ್ಜು ಕರಗಿಸುವುದಲ್ಲದೆ, ತೂಕ ಇಳಿಕೆಗೂ ಇಲ್ಲಿ ನೀಡಲಾಗಿರುವ ಎರಡು ಯೋಗ ಆಸನಗಳು ಪರಿಣಾಮಕಾರಿಯಾಗಿವೆ. ಯಾವುವು ಆ 2 ಯೋಗಾಸನಗಳು ಎಂಬುದನ್ನು ತಿಳಿಯಿರಿ.ಬೊಜ್ಜು ಕರಗಿಸುವ ಹಾಗೂ ತೂಕ ಕಡಿಮೆ ಮಾಡುವ ಎರಡು ಯೋಗಾಸಗಳ ಬಗ್ಗೆ ತಿಳಿಯಿರಿ ಬದಲಾದ ಜೀವನಶೈಲಿಯಿಂದಾಗಿ ದೇಹದಲ್ಲಿ ಹೆಚ್ಚುತ್ತಿರುವ ಕೊಲೆಸ್ಟ್ರಾಲ್ ಮಟ್ಟ ನಾನಾ ರೀತಿಯ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗುತ್ತಿದೆ. ಹೀಗಾಗಿ ದೇಹದ ಹೆಚ್ಚುವರಿ ಕೊಬ್ಬನ್ನು ಕರಗಿಸುವುದು ಸವಾಲಿನ ಕೆಲಸವಾಗಿದೆ. ಇದಕ್ಕಾಗಿ ಜನರು ನಾನಾ ರೀತಿಯ ಕಸರತ್ತುಗಳನ್ನು ಮಾಡುತ್ತಾರೆ. ದೇಹದಲ್ಲಿ ಕೊಲೆಸ್ಟ್ರಾಲ್ ಮಟ್ಟ ಹೆಚ್ಚಾಗಲು ಪ್ರಮುಖ ಕಾರಣ ಕಳಪೆ ಆಹಾರ ಹಾಗೂ ಬದಲಾಗಿರುವ ಜೀವನಶೈಲಿ ಎಂದು ತಜ್ಞರು ಹೇಳುತ್ತಾರೆ. ದೇಹದಲ್ಲಿ ಕೆಟ್ಟ ಮತ್ತು ಉತ್ತಮ ಎಂಬ ಎರಡು ರೀತಿಯ ಕೊಲೆಸ್ಟ್ರಾಲ್ ಗಳಿವೆ. ಕೆಟ್ಟ ಕೊಲೆಸ್ಟ್ರಾಲ್ ಅನ್ನು ಎಲ್ ಡಿಎಲ್ ಎಂದೂ ಕರೆಯಲಾಗುತ್ತದೆ. ಉತ್ತಮ ಕೊಲೆಸ್ಟ್ರಾಲ್ ಅನ್ನು ಎಚ್‌ಡಿಎಲ್ ಎಂದೂ ಕರೆಯಲಾಗುತ್ತದೆ.

ದೇಹದಲ್ಲಿ ಕೆಟ್ಟ ಕೊಲೆಸ್ಟ್ರಾಲ್ ಹೆಚ್ಚಾಗುವುದು ಸ್ವಲ್ಪ ಸಮಯದ ನಂತರ ಹೃದಯಾಘಾತಕ್ಕೆ ಕಾರಣವಾಗುತ್ತದೆ. ಈ ಸಮಸ್ಯೆಯಿಂದ ಪರಿಹಾರ ಪಡೆಯಲು ಜನರು ಸಾಮಾನ್ಯವಾಗಿ ಔಷಧಿಗಳನ್ನು ಆಶ್ರಯಿಸುತ್ತಾರೆ. ಆದರೆ ಯೋಗದ ಸಹಾಯದಿಂದ ಕೆಟ್ಟ ಕೊಲೆಸ್ಟ್ರಾಲ್ ಅನ್ನು ಕಡಿಮೆ ಮಾಡಬಹುದು ಎಂಬುದು ಹೆಚ್ಚಿನ ಮಂದಿಗೆ ತಿಳಿದಿಲ್ಲ. ಎರಡು ಯೋಗಾಸನಗಳು ದೇಹದಲ್ಲಿ ಕೆಟ್ಟ ಕೊಬ್ಬಿನಾಂಶವನ್ನು ಕಡಿಮೆ ಮಾಡುವುದರ ಜೊತೆಗೆ ತೂಕ ಕಡಿಮೆ ಮಾಡಿಕೊಳ್ಳಲು ಸಹಾಯ ಮಾಡುತ್ತವೆ. ಆ ಎರಡು ಯೋಗಾಸನಗಳ ಬಗ್ಗೆ ತಿಳಿಯೋಣ.ದೇಹದಲ್ಲಿನ ಹೆಚ್ಚುವರಿ ಅಥವಾ ಕೆಟ್ಟ ಕೊಲೆಸ್ಟ್ರಾಲ್ ಮಟ್ಟವನ್ನು ಕಡಿಮೆ ಮಾಡಲು ಸರ್ವಾಂಗಾಸನ ಯೋಗ ಪ್ರಯೋಜನಕಾರಿ ಎಂದು ಪರಿಗಣಿಸಲಾಗಿದೆ. ಆದರೆ, ಹರ್ನಿಯಾ, ಗಾಯ, ಥೈರಾಯ್ಡ್ ಅಥವಾ ಹೃದಯದ ಸಮಸ್ಯೆ ಇರುವ ವ್ಯಕ್ತಿಯು ಈ ಆಸನವನ್ನು ಮಾಡಬಾರದು.

ಸರ್ವಾಂಗಾಸನ ಮಾಡುವ ವಿಧಾನ

ಮೊದಲನೆಯದಾಗಿ ನಿಮ್ಮ ಬೆನ್ನಿನ ಮೇಲೆ ಮಲಗಿ ಮತ್ತು ನಿಮ್ಮ ಕಾಲುಗಳು, ಸೊಂಟವನ್ನು ಏಕಕಾಲದಲ್ಲಿ ಮೇಲಕ್ಕೆ ಎತ್ತುವಾಗ ದೇಹದ ಎಲ್ಲಾ ಭಾರವನ್ನು ಭುಜಗಳ ಮೇಲೆ ಬಿಡಬೇಕು. ನಂತರ ನಿಮ್ಮ ಕೈಗಳಿಂದ ನಿಮ್ಮ ಬೆನ್ನನ್ನು ಬೆಂಬಲಿಸುವಾಗ ನಿಮ್ಮ ಮೊಣಕೈಗಳನ್ನು ಹತ್ತಿರಕ್ಕೆ ತನ್ನಿ. ನಿಮ್ಮ ಸೊಂಟ ಮತ್ತು ಕಾಲುಗಳನ್ನು ನೇರವಾಗಿರಿಸಿ, ಮೊಣಕೈಗಳನ್ನು ನೆಲಕ್ಕೆ ಒತ್ತುವಾಗ ನಿಮ್ಮ ಕೈಗಳನ್ನು ಸೊಂಟದ ಮೇಲೆ ಇಟ್ಟುಕೊಳ್ಳಿ. ಇದನ್ನು ಮಾಡುವಾಗ, ನಿಮ್ಮ ದೇಹದ ಸಂಪೂರ್ಣ ತೂಕವು ನಿಮ್ಮ ಭುಜಗಳು ಮತ್ತು ಮೇಲಿನ ಕೈಗಳ ಮೇಲೆ ಉಳಿಯುವಂತೆ ವಿಶೇಷ ಕಾಳಜಿ ವಹಿಸಬೇಕು. ಈ ಆಸನವನ್ನು ಮಾಡುವಾಗ, ಕುತ್ತಿಗೆಯಲ್ಲಿ ನೋವು ಉಂಟಾದರೆ, ಭಂಗಿಯಿಂದ ಹೊರಗೆ ಬನ್ನಿ. ಈ ಆಸನದ ಸಮಯದಲ್ಲಿ ದೀರ್ಘವಾಗಿ ಉಸಿರಾಡುತ್ತಲೇ ಇರಬೇಕು.

ಸರ್ವಾಂಗಾಸನ

ಪಶ್ಚಿಮೋತ್ಥಾನಾಸನ ಪಶ್ಚಿಮೋತ್ಥಾನಾಸನವು ದೇಹದ ಮಧ್ಯಭಾಗವನ್ನು ವಿಸ್ತರಿಸುವ ಮೂಲಕ ದೇಹದಲ್ಲಿನ ಕೊಬ್ಬಿನ ಮಟ್ಟವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ. ಈ ಯೋಗಾಸನವು ರಕ್ತನಾಳಗಳಲ್ಲಿ ಸಂಗ್ರಹವಾಗಿರುವ ಕೊಲೆಸ್ಟ್ರಾಲ್ ಅನ್ನು ಕಡಿಮೆ ಮಾಡುವ ಮೂಲಕ ಹೊಟ್ಟೆಯ ಒಳಭಾಗವನ್ನು ಮಸಾಜ್ ಮಾಡುತ್ತದೆ. ಇದು ದೇಹದೊಳಗೆ ಸಂಗ್ರಹವಾದ ತ್ಯಾಜ್ಯವನ್ನು ತೆಗೆದುಹಾಕಲು ಸಹಾಯ ಮಾಡುತ್ತದೆ.

ಪಶ್ಚಿಮೋತ್ಥಾನಾಸನ ಮಾಡುವ ವಿಧಾನ

ಮೊದಲು ನಿಮ್ಮ ಕಾಲುಗಳನ್ನು ನೇರವಾಗಿ ಚಾಚಿ, ನಂತರ ಕೈಗಳನ್ನು ಪಾದಗಳಂತೆಯೇ ನೇರವಾಗಿ ಇಟ್ಟುಕೊಳ್ಳಿ. ಇದನ್ನು ಮಾಡುವಾಗ ನಿಮ್ಮ ತಲೆ ನೇರವಾಗಿರಬೇಕು. ಇದರ ನಂತರ, ನಿಧಾನವಾಗಿ ಹಣೆಯನ್ನು ಮೊಣಕಾಲಿನಿಂದ ಮತ್ತು ಪಾದಗಳ ಕಾಲ್ಬೆರಳುಗಳನ್ನು ನಿಮ್ಮ ಕೈಗಳಿಂದ ಹಿಡಿಯಲು ಪ್ರಯತ್ನಿಸಿ. ಹೀಗೆ ಮಾಡುವಾಗ ನಿಧಾನವಾಗಿ ಉಸಿರನ್ನು ಹೊರಹಾಕಿ. ನಿಮ್ಮ ಪಾದಗಳ ಕಡೆಗೆ ಬಾಗುವ ಮೊದಲು ನೀವು ಆಳವಾದ ಉಸಿರನ್ನು ತೆಗೆದುಕೊಳ್ಳಬೇಕು ಎಂಬುದನ್ನು ನೆನಪಿನಲ್ಲಿಡಿ. ಅದರ ನಂತರ, ಆಸನವನ್ನು ಮಾಡುವಾಗ ನೀವು ನಿಧಾನವಾಗಿ ನಿಮ್ಮ ಉಸಿರನ್ನು ಹೊರಹಾಕಬೇಕು. ನಿಮ್ಮ ಹಣೆಯನ್ನು ಮೊಣಕಾಲಿನ ಮೇಲೆ ಸ್ವಲ್ಪ ಸಮಯ ಇಡಬೇಕು. ಈ ಎರಡೂ ಯೋಗಾಸಗಳಿಂದ ದೇಹದಲ್ಲಿನ ಹೆಚ್ಚುವರಿ ಕೊಬ್ಬನ್ನು ಕರಗಿಸಿಕೊಳ್ಳಬಹುದು. ಜೊತೆಗೆ ತೂಕವನ್ನು ಇಳಿಸಿಕೊಳ್ಳಲು ನೆರವಾಗುತ್ತವೆ ಎಂದು ಆರೋಗ್ಯ ತಜ್ಞರು ಹೇಳುತ್ತಾರೆ.