ಮಹಿಳೆ ಇದ್ದಲ್ಲಿಗೆ ಬಂದು ವಿಚಾರಣೆ ನಡೆಸಿ ನ್ಯಾಯ ಕೊಡಿಸಿದ ಜಡ್ಜ್..!

ರಾಮನಗರ ಜಿಲ್ಲಾ ಪ್ರಧಾನ ನ್ಯಾಯಾಧೀಶರಾದ ಅವಿನಾಶ್ ಅವರು ಯಶೋದಮ್ಮ ಎಂಬ ಮಹಿಳೆಯ ಪಾಡು ನೋಡಲಾರದೆ ಆಕೆ ಇದ್ದಲ್ಲಿಗೆ ಬಂದು ವಿಚಾರಣೆ ನಡೆಸಿ ನ್ಯಾಯ ಒದಗಿಸಿದ ಅಪರೂಪದ ಮಾನವೀಯತೆ ಘಟನೆ ರಾಮನಗರದಲ್ಲಿ ನಡೆದಿದೆ. ಯಶೋದಮ್ಮ ಎಂಬ ಮಹಿಳೆಯ ತಂದೆ ಅಪಘಾತದಲ್ಲಿ ಮೃತಪಡಿಸಿದ್ದರು. ಅದೇ ಪ್ರಕರಣದಲ್ಲಿ ಪರಿಹಾರ ಪಡೆಯಲು ನ್ಯಾಯಾಲಯಕ್ಕೆ ಬಂದಾಗ, ನ್ಯಾಯಾಲಯದ ಒಳಗಡೆ ಮೆಟ್ಟಿಲು ಹತ್ತಿಕೊಂಡು ಹೋಗಲು ಅವರು ಅನುಭವಿಸುತ್ತಿದ್ದ ಕಾಲಿನ ನೋವಿನ ತೀವ್ರ ಬಾಧೆ ಅನುವು ಮಾಡಿಕೊಡಲಿಲ್ಲ. ಆದ್ದರಿಂದ ಅವರು ನೋಟರಿ ಕಾರ್ಯಾಲಯದ ಹೊರಗೆ ಕುಳಿತುಕೊಂಡಿರುವ ವಿಚಾರ ತಿಳಿದ ನ್ಯಾಯಾಧೀಶರು, ನ್ಯಾಯಾಲಯದಿಂದ ಹೊರಗಡೆ ಬಂದು ಆಕೆ ಕುಳಿತಲ್ಲೇ ಮಾತನಾಡಿಸಿ, ಅಲ್ಲಿಯೇ ವಿಚಾರಣೆ ನಡೆಸಿ, ಎಲ್ಲಾ ದಾಖಲೆಗಳನ್ನು ಪರಿಶೀಲಿಸಿ ಆಕೆಗೆ ಬರಬೇಕಾಗಿದ್ದ ₹ 10 ಲಕ್ಷ ಗಳನ್ನು ಬಿಡುಗಡೆ ಮಾಡಲು ಆದೇಶ ನೀಡಿದ್ದಾರೆ. ನ್ಯಾಯಾಧೀಶರ ನಡೆಗೆ ಮೆಚ್ಚುಗೆ ವ್ಯಕ್ತವಾಗಿದೆ.