ದಿ ರಾಮೇಶ್ವರಂ ಕೆಫೆಯ ಪೊಂಗಲ್ ನಲ್ಲಿ ಸಿಕ್ಕಿದ್ದೇನು ಗೊತ್ತೆ..?

ಬೆಂಗಳೂರು: ಬೆಂಗಳೂರು ಅಂತಾರಾಷ್ಟ್ರೀಯ ವಿಮಾನನಿಲ್ದಾಣದಲ್ಲಿನ ‘ದಿ ರಾಮೇಶ್ವರಂ ಕೆಫೆ’ಯಲ್ಲಿನ ಪೊಂಗಲ್‌ನಲ್ಲಿ ಕೀಟ ಪತ್ತೆಯಾಗಿದೆ ಎಂಬ ಆರೋಪದ ವಿಡಿಯೊ ವೈರಲ್ ಆದ ಬೆನ್ನಲ್ಲೇ 6 ಸ್ಪಷ್ಟಿಕರಣ ನೀಡಿರುವ ಕೆಫೆ ಆಡಳಿತ ಮಂಡಳಿ, ಆರೋಪವನ್ನು ನಿರಾಕರಿಸಿದೆ. ಕೆಫೆಯಲ್ಲಿ ನೀಡಿದ್ದ ಆಹಾರದಲ್ಲಿ ಕೀಟವಿದೆ ಎಂಬ ಸುಳ್ಳು ಆರೋಪ ಮಾಡಿದ್ದು, ಅಪರಿಚಿತರು 25 ಲಕ್ಷ ರೂ. ಸುಲಿಗೆ ಮಾಡಲು ಪ್ರಯತ್ನಿಸಿದ್ದಾರೆ ಎಂದು ರಾಮೇಶ್ವರಂ ಕೆಫೆ ವತಿಯಿಂದ ಪತ್ರಿಕಾ ಹೇಳಿಕೆ ಬಿಡುಗಡೆ ಮಾಡಿದೆ. ಏರ್‌ಪೋರ್ಟ್‌ನ ಕೆಫೆಗೆ ಬಂದಿದ್ದ ಕೆಲವರು ಅವರೇ ಆಹಾರದಲ್ಲಿ ಕೀಟವಿದೆ ಎಂದು ವಿಡಿಯೊ ಮಾಡಿ ತಗಾದೆ ತೆಗೆದಿದ್ದಾರೆ. ಬಳಿಕ ಹಣ ನೀಡದಿದ್ದರೆ ವಿಡಿಯೊವನ್ನು ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಮಾಡುವುದಾಗಿ ಬೆದರಿಸಿದ್ದಾರೆ. ಇದಕ್ಕೆ ಪೂರಕವಾಗಿ ಅಪರಿಚಿತನೊಬ್ಬಕರೆ ಮಾಡಿ 25 ಲಕ್ಷ ರೂ.ಗಳನ್ನು ಬ್ರಿಗೇಡ್ ರಸ್ತೆಗೆ ತಂದು ಕೊಡುವಂತೆ ಬೆದರಿಸಿದ್ದ. ಈ ಘಟನೆಗಳು ಸಂಸ್ಥೆಯ ವಿರುದ್ಧ ಮಾಡಿರುವ ಪಿತೂರಿಯಾಗಿದೆ ಎಂದು ತಿಳಿಸಿದೆ. ಅಲ್ಲದೆ, ಈ ಕುರಿತು ನಗರ ಪೊಲೀಸ್ ಆಯುಕ್ತರಿಗೆ ನೀಡಿರುವ ದೂರಿನ ಪತ್ರಿಯನ್ನು ಹಂಚಿಕೊಂಡಿದೆ.