ನನಗೆ ಇದೇನು ಹೊಸದಲ್ಲ; ಅಭಿಮಾನಿಗಳು ಅತಿರೇಕ ಮಾಡಬೇಡಿ; ಮಾಜಿ ಸಚಿವ ರಾಜಣ್ಣ ಮನವಿ

ಬೆಂಗಳೂರು ರಾಜಕೀಯದ ಏರುಪೇರುಗಳು ನನಗೆ ಹೊಸದಲ್ಲ. ಅಭಿಮಾನಿಗಳು, ಬೆಂಬಲಿಗರು ಯಾವುದೇ ಕಾರಣಕ್ಕೂ ಅತಿರೇಕದಲ್ಲಿ ತಪ್ಪು ನಿರ್ಧಾರಗಳನ್ನು ತೆಗೆದುಕೊಳ್ಳಬಾರದು ಎಂದು ಮಾಜಿ ಸಚಿವ ಕೆ.ಎನ್.ರಾಜಣ್ಣ ಮನವಿ ಮಾಡಿದ್ದಾರೆ. ಸಂಪುಟದಿಂದ ವಜಾಗೊಂಡ ಹಿನ್ನೆಲೆಯಲ್ಲಿ ಬೆಂಬಲಿಗರೊಬ್ಬರು ಮೈಮೇಲೆ ಪೆಟ್ರೋಲ್ ಸುರಿದುಕೊಂಡ ಹಿನ್ನೆಲೆಯಲ್ಲಿ ‘ಫೇಸ್‌ಬುಕ್’ನಲ್ಲಿ ಪೋಸ್ಟ್ ಹಾಕಿರುವ ‘ರಾಜಕೀಯ ರಾಜಣ್ಣ, ಏರುಪೇರುಗಳು ನನಗೆ ಹೊಸದಲ್ಲ. ಎಂದೂ ಧೃತಿಗೆಟ್ಟವನಲ್ಲ. ಯಾವುದೇ ಕಾರಣಕ್ಕೂಅಭಿಮಾನಿಗಳು, ಬೆಂಬಲಿಗರು ಅತಿ ರೇಕದಲ್ಲಿ ತಪ್ಪು ನಿರ್ಧಾರಗಳನ್ನು ತೆಗೆದುಕೊಳ್ಳಬಾರದು’ ಎಂದಿದ್ದಾರೆ.ಯುವಕರು ಈ ರೀತಿ ಮಾಡಿಕೊಂಡಿರುವುದು ದುಃಖ ತಂದಿದೆ. ನಿಮ್ಮ ಕುಟುಂಬದವರು ಕಾಯುತ್ತಿರುತ್ತಾರೆ.ನಿಮ್ಮ ಪ್ರೀತಿ, ಅಭಿಮಾನ ಎಂಬುದನ್ನು ಕಣ್ಣಾರೆ ಕಂಡಿದ್ದೇನೆ. ಹಾಗಾಗಿ, ತಪ್ಪು ನಿರ್ಧಾರ ಮಾಡಬೇಡಿ ಎಂದಿದ್ದಾರೆ.ಸಾರ್ವಜನಿಕ ಆಸ್ತಿಪಾಸ್ತಿಗೆ ಹಾನಿ ಮಾಡುವಂತಹ ಪ್ರಯತ್ನ ಮಾಡಬೇಡಿ. ಸಿಎಂ ಸಿದ್ದರಾಮಯ್ಯ, ಕೈ ಬಲಪಡಿಸುವ ಕಡೆಗೆ ನಮ್ಮ ಚಿಂತನೆ ಇರಲಿ ಎಂದು ಕೋರಿದ್ದಾರೆ.