ವಿವಿ ಸಾಗರದ ಕೋಡಿ ಬಿದ್ದಿದ್ದರಿಂದ ಸಂತಸ ಮನೆಮಾಡಿದೆ : ಸಚಿವ ಡಿ.ಸುಧಾಕರ್

ಹಿರಿಯೂರು: ದೇವರ ಕೃಪೆ, ಸರ್ಕಾರದ ಶ್ರಮ, ಜನರ ವಿಶ್ವಾಸ ಇವುಗಳೆಲ್ಲ ಸೇರಿ ವಿವಿ ಸಾಗರ ಮತ್ತೆ ತುಂಬಿ ಹರಿದಿದೆ. ಕೋಡಿ ಬಿದ್ದ ದೃಶ್ಯ ಕಂಡು ನನ್ನ ಮನದ ಸಂತೋಷದ ಕಟ್ಟೆಯು ತುಂಬಿ ಹರಿದಿದೆ. ಕೋಡಿ ಬೀಳುವ ಮೂಲಕ ಮೂಲಕ ನಮ್ಮ ಭಾಗದ ಕೃಷಿ, ಪಶು ಸಂಗೋಪನೆ, ಜನಜೀವನ ಸುಧಾರಣೆಗೆ ಮತ್ತೆ ಸಾಕಷ್ಟು ವರದಾನವಾಗಿದೆ. ಬಯಲು ಸೀಮೆ ಈಗ ಜಲ ಸೀಮೆಯಂತಾಗಿದೆ. ವಾಣಿವಿಲಾಸ ಸಾಗರ ತುಂಬಿದರೆ ಪ್ರವಾಸಿಗರ ದಂಡು ಹರಿದು ಬರುವುದರಿಂದ ಈ ಭಾಗದ ವ್ಯಾಪಾರ-ವಹಿವಾಟಿಗೂ ಚುರುಕು ಸಿಗಲಿದೆ ಎಂದು ಜಿಲ್ಲಾ ಉಸ್ತುವಾರಿ ಸಚಿವ ಡಿ.ಸುಧಾಕರ್ ವಾಣಿವಿಲಾಸ ಸಾಗರಕ್ಕೆ ಇಂದು ಭೇಡಿ ನೀಡಿದ ವೇಳೆ ಎಲ್ಲೆಡೆ ತುಂಬಿದ ಜಲರಾಶಿ ಕಂಡು ಸಂತಸ ವ್ಯಕ್ತಪಡಿಸಿದ್ದಾರೆ. ಇದೇ ವೇಳೆ ಕೋಡಿ ಬಿದ್ದ ವಿವಿಸಾಗರದ ನೀರು ವೇದಾವತಿ ನದಿಗೆ ಹರಿಯುವುದರಿಂದ ವೇದಾವತಿಯ ತಗ್ಗು ಪ್ರದೇಶ ಹಾಗೂ ನದಿಪಾತ್ರದ ಎರಡು ದಡದ ಸಾರ್ವಜನಿಕರು ತಮ್ಮ ಆಸ್ತಿ-ಪಾಸ್ತಿ, ಜಾನುವಾರುಗಳ ರಕ್ಷಣೆ ಬಗ್ಗೆ ಮುನ್ನೆಚ್ಚರಿಕೆವಹಿಸಿ ಜಾಗ್ರತೆಯಿಂದಿರಲು ಮನವಿ ಮಾಡಿದರು‌.